DemirBank жүз пайыздык чет өлкөлүк капиталы менен Кыргызстандагы биринчи эл аралык банк болуп эсептелет.

Банк Кыргызстандын базарындагы 20 жылдык ийгиликтүү иш тажрыйбасы менен эл аралык инвестиция аркылуу ишке ашкан өлкөдөгү ийгиликтүү долбоорлордун бири катары өзүн көрсөтө алды. Банктын кардарлар менен болгон туруктуу мамилеси, эл аралык стандарттарды колдонуусу жана кесипкөйлөрдүн күчтүү командасы базар атаандаштыгында артыкчылык берип, аны кардарлар үчүн ишенимдүү өнөктөш кылууда.

Европа реконструкциялоо жана өнүктүрүү банкы (ЕРӨБ) 1991-жылы негизделип, Борбордук Европадан Орто Азияга чейин 29 өлкөдө ар кандай долбоорлорду каржылап келген эл аралык финансылык уюм болуп эсептелет. ЕРӨБдүн курамына 63 мамлекет жана 2 өкмөт аралык институт кирет. ЕРӨБ аймактагы эң ири инвестор. Ал өзүнүн каражаттарын бөлүү аркылуу чет өлкөлүк түз инвестиция тартуунун көлөмүн бир топ көбөйтүүдө. Банк ишкердиктин өнүгүүсүнө жана ачык-айкын, демократиялык базар экономикасына өтүүгө өз салымын кошуп келет. http://www.ebrd.com

Халит Джынгыллыоглу- DemirBankтын негизги акционери. Ал 30 жылдан бери Түркия, Нидерланды, Германия, Казахстан жана Кыргыз Республикасынын каржы тармагында ишмердүүлүгүн ийгиликтүү жүргүзүп келет. Банк системасында, брокердик агенттиктерде, лизинг, факторинг жана камсыздандыруу компанияларында иш жүргүзүү боюнча чоң тажрыйбага ээ.

DemirBankтын Директорлор Кеңешинин төрагасы жана негизги акционери Халит Джынгыллыоглу 2004-жылдын экинчи июнунда Кыргыз Республикасынын указы менен “Кыргыз-түрк экономикалык кызматташтыгынын тереңдешине жана эки элдин достугунун бекемделүүсүнө кошкон зор салымы үчүн” Ардак Грамотасы менен сыйланган.

«Си Факторинг» АК 2000-жылы негизделген. Компаниянын негизги ишмердиги бул – төлөмдүн мөөнөтун жылдыруу шарттарында соода ишкердигин жүргүзгөн өндүрүүчүлөр жана жөнөтүүчүлөр үчүн факторингдик операциялар чөйрөсүндө каржылык кызматтарды көрсөтүү. Компания 25 жылдан ашык көптөгөн Европа жана Азия өлкөлөрүндө факторингдик кызматтарды көрсөтүп келүүдө.