DemirBank электромобилдерди сатып алуу үчүн атайын иштелип чыккан жаңы насыялык продукт — Жашыл автокредитти ишке киргизди. Жаңы продукт кардарларга заманбап жана экологиялык жактан таза транспорт каражаттарын ыңгайлуу шарттарда сатып алуу мүмкүнчүлүгүн түзүп, ошондой эле Кыргызстандагы туруктуу жана инновациялык чечимдердин өнүгүшүнө колдоо көрсөтөт.
Өлкөдө электромобилдер рыногу активдүү өнүгүп, кардарлар жана бизнес өкүлдөрү тарабынан кызыгуу өсүүдө, ал эми экологиялык жактан таза транспортко болгон суроо-талап улам көбөйүүдө. Жашыл автокредит — заманбап технологияларды, үнөмдүүлүктү жана айлана-чөйрөгө кам көрүүнү тандагандар үчүн ыңгайлуу каржылык чечим.
Насыянын шарттары:
- Насыянын суммасы: 350 000 сомдон 17 500 000 сомго чейин
- Насыя мөөнөтү: 6 айдан 60 айга чейин
- Насыя валютасы: кыргыз сому
- Алгачкы төлөмдүн минималдуу өлчөмү: 20%
Пайыздык чендер:
- Эгерде кардар насыя боюнча пайыздарды өз алдынча төлөсө: Жылдык 14%
- Өнөктөш тарабынан пайыздык чен жарым-жартылай субсидияланган учурда:
- Жылдык 9,9% — карыз алуучу тарабынан төлөнөт
Камсыздоо шарттары:
- Сатып алынуучу унаа күрөө катары кабыл алынат
- Банк кошумча түрдө жеке кепилдик талап кылышы мүмкүн
- GPS-трекерди орнотуу өнөктөш тарабынан жүргүзүлөт
Жашыл автокредит — бул DemirBank тарабынан экологиялык демилгелерди, заманбап технологияларды жана кардарлар үчүн инновациялык каржылык чечимдердин жеткиликтүүлүгүн колдоого багытталган дагы бир кадам.
Кененирээк маалыматты DemirBankтын бардык филиалдарынан же 2222 байланыш борбору аркылуу алууга болот.